يلا نعمل فطيره محشيه للغداء او العشاء

ADS by Lord Media

ADS by Lord Media

ADS by Lord Media

ADS by Lord Media

نخش بقا علي المقادير ونقول بسم الله

كوبان من الدقيق

معلقه من السكر

رشه من الملح

معلقه خميره كبيره

معلقتين كبار من الزيت

لبن دافئ للعجن

بياض بيضه

ونخلي الصفار لوش الفطيره

خلصنا المقادير نخش بقا ف الطريقه

نضيف السكر والخميره ف نص كوب من اللبن الدافئ

قلبيهم كويس ونغطيهم عشان تخمر تمام

نحط الملح علي الدقيق ونقلبهم

وننزل عليهم بالزيت وبياض البيضه

ف الوقت ده الخميره هتكون خمرت ننزل بيها عليهم

نعجنها لحد ماالعجينه تلم معانا خدت حوالي عشر دقايق عجن عشان تبقي ناعمه

نحط العجينه ف طبق غويط ونسبها تخمر

نروح بقا للحشوه ممكن تحشيها اي حشوه عندك

انا حشيتها فراخ

وطريقتها

ف طاسه شويه زيت يسخنوا نحط حبهان ،مستكه ، ورق لورا

وانزل عليهم بالفراخ كانت صدور عندي ف التلاجه

شوحتها لحد مالونها غير وحطيت التوابل

ملح وفلف اسود بهارات فراخ توم وبصل بودر

قلبتها وغطيتها وسبتها تستوي علي نار هاديه

لما استوت حطيت عليها فلفل رومي مقطع صغير وزيتون مخلي وكده الحشوه جاهزه

ممكن تعمليها وتشيليها ف الفريزر لاي اكل

كده العجينه هتكون خمرت نقسمها علي نصين

نفرد اول نص ف الصنيه

ونحط فوقيها الحشوه

ثم نضع فوقها النص الاخر ونقفلها كويس

جبت غطا وخرمتها من النص تدي شكل

قطعتها بصوابعي زي البيتزا لحد الاخر من تحت

دهنتها بصفار البيضه وعليها نقطه خل ومعلقه من اللبن عشان الزفاره ورشيت حبه البركه اهي تعلي المناعه

تدخل فرن سخن علي ٢٠٠ درجه حتي الاستواء

وبالهنا

مستنيه رآيكم

Post a Comment

أحدث أقدم