غير مصنف

أهم المعلومات التي تمنيت لو عرفتها من قبل

أهم المعلومات التي تمنيت لو عرفتها من قبل.

مين فينا مقعدش مره مع نفسه وتفكيره خده لأسأله زي:-

هو أنا جييت منين


فيه ناس بتقول من عند ربنا وإن ربنا هو الخالق وكدا وبعدها نيجي للسؤال الاهم بقي.

هو انا هنا ليه؟

ناس كتير بترد علي السؤال ده من الايه” وما خلقت الإنس والجن الا ليعبدون”

. طيب هي إيه أصلا العباده؟ تفتكر إن هي إني أصلي وأذكر ربنا وأزكي وأصوم ويبقي كدا أنا قضيت العباده وخلاص؟ ويبقي كدا أنا عملت اللي عليا؟

وتالت سؤال من الاسأله الوجوديه هو :-

أنا بعد ما أخلص حياتي هروح فين؟

ودي تقريبا كلنا عارفينها ومؤمنين بوجود يوم القيامه وإن فيه جنه ونار وثواب وعقاب بعد م نموت.

في المقال ده أحنا هنرد علي أهم الاسأله الوجوديه دي من آيه عظيمه جداا وهي

اللذين ءامنوا وعملوا الصٰلحت….

طيب يارب هو أنا مطلوب منني الإيمان والعمل الصالح بس! أيوه هو بس،

إنتوا متتخيلوش الاتنين دول مكافأه ربنا للي بيعمل بيهم إيه من جنات، ونعيم الدنيا ، وتمكين في الارض وإتمام نعمته عليهم،

وعلي ده كله حاجه مهمه جدااا وهي ذكر ربنا ليه ،

 طيب احنا خلاص عرفنا أد إيه جزاء الايمان والعمل الصالح عظيم عند ربنا ،طيب يارب هو انت حاطط الجزاء العظيم ده للي ءآمنوا بإيه؟

ببساطه ءامنوا إن فيه إله واحد حاكم الكون، وإن أنا جاي من عنده علشان أقضي رساله ولما اخلصها هتنقل للآخره واروحله. طيب هل ده بس معني الإيمان؟

للأسف لأ، ناس كتير بتغفل عن تعريف مهم جدااا للإيمان، وميقلش في الاهميه خالص عن التعريف الاول،وهو ” ثقتي إن ربي ده كريم رحيم وإني يكون 

عندي حسن ظن بيه”

                                                      أهم المعلومات

نيجي بقي للجزء المهم من الاسأله الوجوديه ،وهوجزء العمل الصالح

، وده جزء بيضم اللي انت جاي الدنيا علشان تعمله.

جاي الدنيا علشان تعمل الصالحت، علشان تعمل الخير ،علشان تكون مصلح في الأرض تحت أي مسمي، وتحت اي شغل بتقوم بيه،

يعني إنت مهندس فانت تقدر تقوم بالعباده عن طريق إصلاحك في مجال الهندسه، او انت دكتور فإنت تقدر تصلح في الارض بإستخدامك لمجال الطب،وغيره من التخصصات اللي قيامك بيها بيعود بالنفع علي الناس فده كله يتحط تحت مسمي الاصلاح

، حتي ربة المنزل في وقت إهتمامها ببيتها وإهتمامها بولادها هي كدا مصلحه في الارض وفي وقت الشغل ده هي بتقوم بعباده لله – سبحانه وتعالي-

ودي كانت من اهم المعلومات اللي اتمنيت لو عرفتها من قبل كدا.
ومن المعلومات المهمه برضو اللي اتعلمتها إني مينفعش أعيش لنفسي وبس،

وإن أنا لازم أخلي الاصلاح والنفع هو محور حياتي ،وإني أثبت لربنا إني جايه يارب هنا علشان اعمل الصالحت.

طيب إزاي أقدر أطبق المعلومات دي وأعمل الصلحت زي ما ربنا عاوز منني؟
وده بإنك تطبق اللي ربنا قالهولك في القران ،عارفين وصف أم المؤمنين عائشه- عليها السلام- لما سألوها عن اخلاق الرسول وقالت عنه

قرآن يمشي علي الارض

،احنا فعلا محتاجين إن القران يبقي في أخلاقنا مش يكون أكبر معلوماتنا عن القران إن “الحرف بحسنه”،محتاجين نوصل للاخلاق اللي الرسول قال عنها” بعثت لأتمم مكارم الاخلاق”.

:-ومن المعلومات المهمه برضو

إن كل واحد فينا له بصمات مميزه ليه، بصمه عين وبصمه صوت وبصمه صباع وكمان البصمه اللي جاي الارض علشان يحطها،

بصمتك دي انت بتصلح بيها في اي إتجاه، أياً كان عملك لازم يكون ليك دور فيه ورساله تميزك عن غيرك،

البصمه دي اللي لو جيت هنا وخلصت رحلتك الدنيويه من غير ما تحطها ،فانت هتخسر كتير أوي، تعالي أقولك  شويه معلومات عن إنك هتخسر إيه:-
تخيل كدا لو دورك في الحياه إنك تاكل وتشرب وتنام،هتروح تقول لربنا إيه لما يسألك عن عمرك فيما أفنيته؟،

هتقوله يارب اصلي كنت عايش باكل وبشرب وبنام! هيسألك فين الاصلاح اللي انا امرتك بيه؟ هتقوله إيه؟.
طيب كدا عرفنا جزء كبير من المعلومات المهمه ودلوقتي عرفنا إيه هي الصالحت،بس لما باجي اعمل الصالحت للأسف بيكون فيه مفسدات،طيب إيه هي المفسدات دي؟

من أمثله المفسدات دي :-

-السوشيال ميديا،

اللي بتوهمك إنك بتتابع الاخبار وبتاخد منها معلومات ،

وفالحقيقه السوشيال ميديا مبتديش ليك غير قشور المعلومات اللي هي بإختصار كدا لا تثمن ولا تغني من چوع، وبتضيع وقتك وعمرك بكل بساطه.

– الأهل :-

أوقات بيكون الاهل ورضاهم عنك سبب من المفسدات اللي بتمنعك انك تقوم برسالتك وتسيب بصمتك في الدنيا للأسف.-

الدنيا ولهوها.

أقولك تعرفها إزاي المفسدات دي ؟،

وإزاي تعرف إنك مصلح فعلا في الارض ولا المفسدات واخده كل وقتك؟
إمسك ورقه وقلم وإكتب إنت بتقضي وقتك في إيه، ووقتها هتعرف إنك عايش لحاجه تانيه عكس اللي ربنا خلقك علشانها وانك فايتك معلومات مهمه كتيرعن حياتك وعن رسالتك في الارض.

ومن المعلومات المهمه جداا إنك تحس إن فيه كاميرا متركزه عليك، وبتراقب فيك طول الوقت، واللي هتشوفك بتصلح في إيه؟ هتصلح في هدفك ولا هتصلح فإنك تتعلم ؟

ولا هتصلح في إنك تقري كتاب ؟ ولا بتضيع وقتك علي حاجه غير اللي ربنا خلقك ليها؟طيب لو ضيعته وجه وقت سؤالك عن عمرك فيما أفنيته؟ هتقوله إيه؟ هتقوله أصل أنا كنت بتابع أخبار؟ ولا هتقوله أصل السياسه كانت واخده كل وقتي؟ ولا هتقوله يارب أصلي كنت بتابع المسلسل؟

مهم جداا إننا نحط دايما قدام عنينا آيه ” اللذين ءآمنوا وعملوا الصلحت…”

وبإذن الله من اليوم اللي هتعرف فيه هدفك وإنت جاي الدنيا ليه؟هتيجي جواك طاقه نور هتنورلك بصيرتك وهتساعدك تعيش الدنيا بسعاده ،ونفس مطمئنه ،

  • ولا يعرف يدخلك إكتئاب ولا حزن لإنك عارف
  • هدفك في الحياه.
  • ودي كانت اهم المعلومات وربنا ينور بصيرتنا جميعا ويرزقنا إننا نكون زي رسولنا “قرآنا يمشي علي الأرض

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى